ప్రవాసమా...ఇది వనవాసమా ??

వీధి దాటి, వాడ దాటి,
ఊరుదాటి , యేరు దాటి,
దేశం దాటి,
సప్తసముద్రాలను సైతం దాటాం...
శాపగ్రస్తుల్లా బ్రతుకీడుస్తున్నాం.

మాతృ దేశముని వదిలి
కన్నవాళ్ళని వదిలి
మిత్రులను వదిలి
కడలి దాటాం...కష్టాల కడలీదుతున్నాం.

జగమెరిగిన దేశం మనదని గర్విస్తాం,
మరి , ఇంత తెలిసి వలసలెందుకు వస్తున్నాం.

మనదేశం చేసిన పాపమా..
కాలచక్రపు కలికాలమా...
తల్లి భారతి మూగ రోదనమా..
ప్రవాసమా... ఇది వనవాసమా!!!