పయనం - గమ్యం

నీ గమ్యం మారిందని విన్నా
మరి నీ పయనమెందుకు ఆగిందని కలవరపడుతున్నా...

కోటి వేణువుల పుట్టిల్లు
వెదురు సైతం చిగురు తొడిగి, పూత పూస్తే...
ఎందుకో మరి కన్ను మూస్తుందట ...
వసంతమే వెదురుకు ఎదురు తిరిగిందని, బాధ పడుతున్నా..

మెడ నిండా వంపులతో
వడినిండా కంకుల సొంపులతో
గాలి పాటకి నాట్యమాడే
కోతకొచ్చిన వరి పైరు ...
వేయి తలలు తెగి వెర్రెక్కి చూస్తోంది ...
అయినా... మంచి చేయని రైతుని
అందలం ఎక్కించి ఆకలి తీరుస్తోంది...
మనిషికాకలేసి కోతకొస్తే...
మూగబోయిన పైరు మోడుబారిందని బాధపడుతున్నా...

ఇంత తెలిసి నీ గమ్యమెందుకు మారింది ...
మారినా ...నీ పయనమెందుకు ఆగింది ??